១. មុនពេលចេញដំណើរទៅប្រឡង
- រៀបចំកាលវិភាគយ៉ាងច្បាស់លាស់មួយសម្រាប់ទន្ទេញមេរៀនបន្ថែមឲ្យបានច្រើន
- ស្វែងរកឯកសារនានា ដែលទាក់ទងទៅនឹងមុខវិជ្ជាអក្សរសាស្រ្តខ្មែរ និងវប្បធម៌ទូទៅ ពីលោកគ្រូ អ្នកគ្រូ សិស្សច្បង ឬតាមប្រព័ន្ធអុីនធឺណេត ដើម្បីបង្កើនចំណេះដឹងថែមទៀត
- រៀបចំឯកសណ្ឋានសិស្ស សម្លៀកបំពាក់ និងសម្ភារៈផ្សេងៗទៀត
- ជាពិសេសនោះ គឺថែរក្សាសុខភាពឲ្យបានល្អ ពីព្រោះសុខភាពជាកត្តាសំខាន់បំផុតនៅក្នុងសមរភូមិប្រឡង។
២. រយៈពេល៣ថ្ងៃនៃការប្រឡង
- ចំពោះការគេង : គឺត្រូវគេងឲ្យបានគ្រប់គ្រាន់ដើម្បីជៀសវាងការងងុយគេងនៅពេលប្រឡង
- ចំពោះការញ៉ាំ គឺត្រូវញ៉ាំអាហារណាដែលមានគុណភាពល្អ ជៀសវាងអាហារផ្អាប់ ឬជូរផ្អូម
- ត្រូវរំលឹកមេរៀនត្រួសៗបន្ថែមទៀត ដើម្បីបង្កើនការចងចាំ
- មុនចេញដំណេីរទៅមណ្ឌលប្រឡងត្រូវពិនិត្យ និងរៀបចំ ប៊ិច បន្ទាត់ ខ្មៅដៃ កាតសិស្ស ឲ្យបានហ្មត់ចត់។
ជាចុងក្រោយ នាងខ្ញុំ ចង់ឲ្យបងប្អូនទាំងអស់ដែលជាបេក្ខជនប្រឡងសិស្សពូកែនៅឆ្នាំនេះ
-មានការតាំងចិត្ត និងប្តេជ្ញាចិត្តឲ្យបានមុតមាំ
-កុំភ័យខ្លាចនៅក្នុងការប្រឡង
-មើលប្រធានឲ្យបានច្បាស់លាស់មុននឹងសរសេរកិច្ចការ
ម្យ៉ាងទៀត នាងខ្ញុំក៏សូមជូនពរបងប្អូន ឲ្យទទួលជោគជ័យសម្រាប់ការប្រឡងសិស្សពូកែទូទាំងប្រទេសនាថ្ងៃខាងមុខនេះ។
ហើយនាងខ្ញុំក៏សង្ឃឹមថា បងប្អូននឹងក្លាយខ្លួនជា 'កូនល្អ សិស្សល្អ មិត្តល្អ និង ពលរដ្ឋល្អ នៅក្នុងសង្គម '។
ចែករំលែកដោយ ប្អូនស្រី ភ័ក្ត្រ សុដាវីត អតីតសិស្សពូកែអក្សរសិល្ប៍ខ្មែរ លេខ១ប្រចាំខេត្តកណ្ដាល និងលេខ៤ នៅទូទាំងប្រទេសឆ្នាំ២០១៨ មកពីអនុវិទ្យាល័យព្រះសីហនុរាជ។
សូមបញ្ជាក់ផងដែរថា កាលពីថ្នាក់ទី៩ប្អូនស្រីក៏ជាសិស្សឆ្នេីម ក្នុងសម័យប្រឡងមធ្យមសិក្សាបឋមភូមិផងដែរ។