ថ្ងៃទី១៩ ខែសីហា ឆ្នាំ២០១៩ នេះ
សិស្សានុសិស្សថ្នាក់ទី១២ នឹងត្រូវប្រលងបញ្ចប់ថ្នាក់ទុតិយភូមិ ឬ ហើយហៅថាបាក់ឌុបនេះឯង។
តើប្អូនៗ ត្រៀមហើយឬនៅ?
ឆ្លងតាមបទពិសោធន៍ប្រឡងប៉ុន្មានឆ្នាំចុងក្រោយនេះ ប្អូនៗប្រាកដជាបានយល់ច្រើនពីរបៀបប្រឡង វិន័យ កម្រិតវិញ្ញាសាដែលចេញប្រឡងមិនខាន ហើយថ្ងៃនេះ Admin សូមចែកម្លែកនូវគន្លឹះក្នុងការប្រឡងឱ្យបានលទ្ធផលល្អប្រសើរដូចខាងក្រោមនេះ៖
ខាងក្រោមនេះគឺជាគន្លឹះដើម្បីទទួលបានជោគជ័យក្នុងការប្រឡងបាក់ឌុប២០១៩នេះ!
១-កុំមើលរម្លងសៀវភៅមេរៀន
(សៀវភៅពុម្ពរបស់ក្រសួងអប់រំ)
ព្រោះថាមេរៀនដែលចេញប្រលង គឺមិនផុតពីសៀវភៅពុម្ពនេះឡើយ។
*កុំពឹងផ្អែកលើសៀវភៅកំណែពេក៖
(សៀវភៅខ្លះកែសំណួរ ឬ ឆ្លើយសំណួរ មានលក្ខណៈមិនគ្រប់ជ្រុងជ្រោយ
ពេលខ្លះឆ្លើយចាកប្រធានក៏មាន) យើងត្រូវពឹងលើគំនិតយើងខ្លះ បន្ថែមបន្ថយខ្លះ ជាជាងចម្លងគំនិតចេញពីកំណែ
១០០ ភាគរយ។
អ្នកអាចរកទិញបន្ថែមនូវ សៀវភៅ រូបវិទ្យា គីមីវិទ្យា គណិតវិទ្យា កម្រងវិញ្ញសា
ប្រលងហើយ ឆមាស បាក់ឌុប ពីឆ្នាំ ២០០២-២០១៧ ឬ ២០១៨ បាននៅទីផ្សារ (នៅបាក់ទូក កន្លែង ហ្វូតូកុពី
ផ្លូវកែវចូលសាលាជ័យថាវី)។
*សៀវភៅមេរៀនសង្ខេប លំហាត់គម្រូ (គណិត រូប គីមី ជីវៈ) ដែលរៀបចំដោយក្រសួងអប់រំ ពីព្រោះឆ្នាំមុន (២០១៨) មុខវិជ្ជារូបវិទ្យា លំហាត់ចេញប្រឡងដកស្រង់ពីសៀវភៅនេះ ១០០% តែម្តង មានលំហាត់ខ្លះចេញដូចបេះបិទ ដូចទាំងលេខ ហើយលំហាត់ខ្លះគ្រាន់តែដូរលេខប៉ុណ្ណោះ គឺលំនាំប្រធានដូចតែម្តង។
២-ត្រូវចេះសរសេរយកពិន្ទុ
(សំណួរខ្លះ ដូចជាក្នុងមុខវិជ្ជា ពលរដ្ឋវិជ្ជា
បើយើងឆ្លើយធម្មតា សរសេរ ត្រេ “-” ឬសរសេររៀបរាប់បែបកថាខណ្ឌ មិនបានពិន្ទុពេញទេ
ផ្ទុយទៅវិញបើយើងចេះរៀបចំជាផ្នែក (category) ហើយចែកផ្នែកនោះជាចំនុច ត្រេ (“-”) តូចៗ ទៀតនោះ យើងនឹងអាចបានពិន្ទុក្បែរពេញ)
ឧទាហរណ៍៖ សំណួរគេសួរថា តើគ្រឿងញៀនអាចធ្វើឲ្យប៉ះពាល់អ្វីខ្លះដល់
អ្នក គ្រួសារ និង សង្គមជាតិ?
ចឹងយើងត្រូវឆ្លើយ រៀបជាផ្នែក ៖
-ចំពោះខ្លួនយើង (ប៉ះពាល់អ្វីខ្លះ រាប់ឱ្យបាន ៥ ត្រេ ឡើង)
-ចំពោះគ្រួសារ (ប៉ះពាល់អ្វីខ្លះ រាប់ឱ្យយបាន ៥ ត្រេ ឡើង)
-ចំពោះសង្គមជាតិ (ប៉ះពាល់អ្វីខ្លះ រាប់ឱ្យយបាន ៥ ត្រេ ឡើង)
នោះអ្នកកែ ពិបាកដកពិន្ទុយើងបានណាស់ !
៣-កុំរម្លងវិញ្ញាសាដែលធ្លាប់ចេញរួចហើយ
ដូចជាវិញ្ញាសា រូបវិទ្យា គីមីវិទ្យា ជីវវិទ្យា គណិតវិទ្យា
លំហាត់ដែលចេញពេលបាក់ឌុបឆ្នាំមុនៗ គឺត្រូវបានគេដកស្រង់ចេញម្តងទៀត
គ្រាន់តែកែលេខ លំនាំប៉ុណ្ណោះ។ អញ្ចឹងយើងត្រូវស្រាវជ្រាវ រៀនធ្វើលំហាត់ដែលធ្លាប់ចេញ
រួចហើយឱ្យស្ទាត់នោះយើងនឹងបានទទួលជោគជ័យ មិនខានចំពោះមុខវិជ្ជានោះ។
*លំហាត់ដែលចេញ គឺចេញតាមរបៀប លំនាំគ្នា
មិនថាមុខវិជ្ជា រូប គីមី គណិត ឡើយ។
ឧទាហរណ៍៖ វិញ្ញាសាគណិតវិទ្យា
ដែលជាមុខវិជ្ជាដែលមានពិន្ទុខ្ពស់ជាងគេ គឺរបៀបចេញលំហាត់របស់គេ ជាទូទៅ មាន ៦-៧
លំហាត់។
ជាទូទៅ លំហាត់ទី១ គេចេញ កុំផ្លិច ទី២ ចេញ ប្រូបាប ទី៣ ចេញ
អាំងតេក្រាល (គណនា រក A, B, C រួចទាញរក អាំងតេក្រាល I)
ទី៤ ចេញ សមីការឌឺផេរ៉ង់ស្យែល ឬ អេលីប ប៉ារ៉ាបូល ទី៥ ចេញ អនុគមន៍
(រកដេរីវ៉េ សមីការបន្ទាត់ប៉ះ) ទី៦ ចេញ លំហាត់ធរណីមាត្រក្នុងលំហ (ផលគុណវិចទ័រ
សមីការបន្ទាត់ ស្វ៊ែរ សមីការប្លង់ មាឌតេត្រាអែត) ហើយទី៧
គឺលំហាត់ដែលមានពិន្ទុច្រើនជាងគេ គឺ សិក្សាអនុគមន៍ និង សង់ក្រាប (រកលីមីត ដេរីវេ
បរមា អាស៊ីមតូត សង់តារាងអត្ថេភាព សង់ក្រាប..)
៤-ត្រូវដឹងខ្លួនឱ្យច្បាស់ថា ខណនេះ (កៀកថ្ងៃប្រលងហើយ)
តើសមត្ថភាពយើងបានប៉ុណ្ណា? ត្រូវត្រៀមអ្វីខ្លះ?
ក្រឡេកមើលវិញ្ញាសាគណិតវិទ្យា (បាក់ឌុបឆ្នាំ២០១៨)
តើយើងអាចធ្វើបានប៉ុន្មានភាគរយ? បើធ្វើបានតែ ៧០ភាគរយ ចុះ៣០ភាគរយទៀតត្រូវធ្វើយ៉ាងម៉េច?
ឧទាហរណ៍ថា លំហាត់ប្រូបាប យើងអត់ច្បាស់ទេ ចឹងត្រូវពង្រឹងលំហាត់នេះឱ្យបានច្រើនតាមទៅអាចធ្វើបាន
តាមពេលវេលាដែលយើងនៅសស់។ អូ! លំហាត់ ទី១ កុំផ្លិចខ្ញុំអត់ចេះទេ!
ចឹងយ៉ាងហើយណាស់ត្រូវមានរូបមន្ត ឬរបៀបធ្វើលំហាត់នេះ យកវាមកមើល ពីរបៀបធ្វើ លំនាំធ្វើ
បើយើងអនុវត្តបានច្រើនដងទៅលើលំហាត់ ប្រភេទនេះ
នោះយើងនឹងលែងបារម្មណ៍ថាខ្លាចលំហាត់នេះហើយ។
ប្រការដែលត្រូវត្រៀម គឺសុខភាព ឱ្យបានល្អ រឹងមាំ (ហាមដាច់ខាតដល់ថ្ងៃប្រលងស្អែក
យប់នេះនៅដល់ម៉ោង ២-៣ ភ្លឺ-យប់ជ្រៅពេក ធ្វើឲ្យបាក់កំលាំង ពេលប្រលងងុយដេក) ។
ត្រូវរៀបចំឯកសារ ឱ្យរៀបរយ តើថ្ងៃប្រលងត្រូវមានអ្វីខ្លះ (មិនមែនរៀបចំប្រយ៉ុងទេឬ?)។
៥-ពេលកំពុងប្រឡង
ឧទាហរណ៍ដូចប្រធានឆ្នាំ២០១៨៖
ត្រូវធ្វើលំហាត់ណាដែលចេះមុន មិនបាច់តាមលំដាប់ឡើយ។ ពិនិត្យឱ្យច្បាស់ ដូចលំហាត់ទី ៦
បើរក លីមីត ខុស រកអាស៊ីមតូតក៏ខុសដែរ ។ ហើយចំនុចគណនាដេរីវេ បើគណនាដេរីវេខុស ចំនុចសំណួរខាងក្រោមទៀត
នឹងខុសតាម ដូចច្នោះប្រភេទលំហាត់អញ្ចឹង ត្រូវការផ្ទៀងផ្ទាត់ ២-៣ ដង
ថាយើងគណនាត្រូវឬនៅ?
៦-ការគ្រប់គ្រងពេលវេលា
ចាំបាច់ត្រូវមាន នាឡិកាដៃ (មិនមែននាឡិកាអេឡិចត្រូនិច) ពាក់នៅពេលប្រលង ព្រោះយើងដឹងម៉ោងថា
នៅម៉ោងប៉ុន្មានទៀត យើងធ្វើបានប៉ុណ្ណាហើយ? កុំឱ្យចេះតែធ្វើ លំហាត់ចេះទាំងអស់ តែធ្វើចុះធ្វើឡើង ជួង ១៥នាទីបាត់ នៅលំហាត់ទី ៦ អត់ទាន់បានធ្វើ។
ពេលនោះអារម្មណ៍ ប្រាកដជា ពិបាកគ្រប់គ្រង ភ័យ ញ័រ សរសេរលេងកើត ចឹងត្រូវលៃពេលវេលា
បើថានៅ ១៥នាទីចុងក្រោយ លំហាត់ ត្រូវសរសេរ កាត់ខ្លះ មិនចាំបាច់ក្បោះក្បាយទេ កុំឱ្យខាតពិន្ទុដោយមិនបានធ្វើគ្រប់ជ្រុងជ្រោយ។
នេះគ្រាន់តែជាការចែករម្លែកគំនិត
និងបទពិសោធន៍របស់ខ្ញុំកន្លងមកប៉ុណ្ណោះ សង្ឃឹមថាវាអាចជួយអ្នករាល់គ្នាបានខ្លះ។ ជូនពរជោគជ័យក្នុងការប្រឡងគ្រប់ៗគ្នា!
