វិទ្យាល័យមេសាង ខេត្តព្រៃវែង ប្រមូលផ្តុំដោយសិស្សពូកែ​រូបវិទ្យាទូទាំងប្រទេសដោយសារមានគ្រូពូកែ

នៅពីក្រោយភាពជោគជ័យដណ្តើមបានមេដាយប្រាក់ និងមាសច្រើនឆ្នាំកន្លងមកផ្នែករូបវិទ្យា គឺដាយសារលោកគ្រូម្នាក់នេះ គាត់បានធ្វើឲ្យស្រុកមេសាង ខេត្តព្រៃវែងល្បីល្បាញ!

ខាងក្រោមនេះគឺជាលទ្ធផលជ័យលាភីសិស្សពូកែទូទាំងប្រទេសផ្នែករូបវិទ្យា​ដែលសិស្សវិទ្យាល័យមេសាង ខេត្តព្រៃវែងទទួលបាន៖
ឆ្នាំ2015៖
-ប្អូនស្រី ថា ស្រីនី មេដាយមាសរូបវិទ្យាទី9
-ប្អូនប្រុស ហុន នួន មេដាយប្រាក់រូបវិទ្យាទី9
-ប្អូនប្រុស សុភួន តារា ជាប់លេខ6 រូបវិទ្យា​ទូទាំង​ប្រទេស​ទី9
ឆ្នាំ2016៖
-ប្អូនស្រី កុច តុលា ជាប់លេខ7 រូបវិទ្យា​ទូទាំង​ប្រទេសទី9
ឆ្នាំ2017៖
-ប្អូនប្រុស គង់ បញ្ញា ជាប់លេខ8 រូបវិទ្យា​ទូទាំងប្រទេស​ទី9
ឆ្នាំ2018៖
-ប្អូនស្រី ភីនី លីហ័រ មេដាយប្រាក់​រូបវិទ្យា​ទី9
-ប្អូនស្រី ថា ស្រីនីត ជាប់លេខ5 រូបវិទ្យា​ទូទាំងប្រទេសទី9
-ប្អូនស្រី ថា ស្រីនី មេដាយមាសរូបវិទ្យាទី12 (មេដាយមាស2ជំនាន់)​
-ប្អូនប្រុស ហាក់ វណ្ណា មេដាយប្រាក់​រូបវិទ្យា​ទី12
ឆ្នាំ2019៖
-ប្អូនប្រុស មន់ សីម៉ា មេដាយមាស​រូបវិទ្យា​ទី9
-ប្អូនស្រី កុច តុលា មេដាយមាស​រូបវិទ្យាទី12 (ជាប់លេខ7 ឆ្នាំ2016)​

បួនឆ្នាំហើយ​ដែល​​វិញ្ញាសា​សិស្សពូកែទូទាំងប្រទេសមុខវិជ្ជាគណិតវិទ្យា​ថ្នាក់ទី១២ ដកចេញពីសៀវភៅចិនដដែលៗ

 ថ្ងៃនេះ(ថ្ងៃទី២៤ ខែមេសា ឆ្នាំ​២០១៩) ជាថ្ងៃចុងក្រោយនៃការប្រឡងសិស្សពូកែទូទាំងប្រទេស​សម័យប្រឡង ថ្ងៃទី២២ ខែមេសា ឆ្នាំ​២០១៩ ដែលខេត្តសៀមរាបធ្វើជាម្ចាស់ផ្ទះ។

ឆ្លងកាត់តាមការប្រឡងប៉ុន្មានឆ្នាំចុងក្រោយនេះ យើងសង្កេតឃើញថា​វិញ្ញាសាសិស្សពូកែលើមុខវិជ្ជា​គណិតវិទ្យា​ថ្នាក់ទិ១២ ចាប់តាំងពីឆ្នាំ​២០១៦ មកដល់​ឆ្នាំ​២០១៩ នេះគឺវិញ្ញាសាត្រូវបានដកចេញពីសៀវភៅដដែលៗ បួនឆ្នាំជាប់គ្នា ដែលសៀវភៅ​នោះមាន​ចំណងជើងថា Mathematical Olympiad in China ដែលជាសៀវភៅដែលសិស្សពូកែទូទាំងប្រទេសមាននៅក្នុងដៃ។

Admin ធ្លាប់សរសេរប្រយោគនេះនៅឆ្នាំ ២០១៧ ដែលមានខ្លឹមសារថា "ពីរឆ្នាំហើយដែលក្រសួងចេញវិញ្ញាសាសិស្សពូកែ ទូទាំងប្រទេសគណិតទី១២ ពីសៀវភៅដដែល អញ្ចឹងសម្រាប់សិស្សដែលត្រៀមប្រឡងសិស្សពូកែទូទាំងប្រទេស​ត្រូវតែមាន​សៀវភៅនេះជាចាំបាច់ "។

ហើយនៅឆ្នាំ​២០១៨ ក៏បានសរសេរប្រយោគថា " បីឆ្នាំហើយដែលក្រសួងដកស្រង់លំហាត់ចេញពីសៀវភៅនេះ សម្រាប់ការប្រឡង​​​សិស្សពូកែ​​ទូទាំងប្រទេស (គណិតទី១២) ២០១៦-២០១៧-២០១៨ ចេញនេះ​​មិនមែនចេញតែវិញ្ញាសាទី១ទេ គឺចេញទាំងវិញ្ញាសាទី១ និងវិញ្ញាសាទី២! សរុប​ទៅលំហាត់ប្រហែល ៧០% ទៅហើយ ដែលដកចេញពីសៀវភៅនេះ! "។

ចំណែកឆ្នាំ​២០១៩ នេះក៏បានសរសរបន្ថែមប្រយោគថា " មិនមែន៣ឆ្នាំ គឺចេញ៤ឆ្នាំជាប់គ្នា! (២០១៦-២០១៩)
សម្រាប់​វិញ្ញាសា​ទី២ គណិតវិទ្យាទី១២ នឹង​ចេញពីសៀវភៅ​នេះដដែល! អ្នកដែលមានសៀវភៅនេះនៅក្នុងដៃ សូមមើលរម្លឹកឡើងវិញឱ្យអស់ ពិសេស​លំហាត់​ដែលមើលទៅទំនងអាចនឹងចេញ(លំហាត់ចេញឆ្នាំមុនៗមិនចេញដដែលទៀតទេ) ឈ្នះចាញ់ ជាប់ឬធ្លាក់គឺអាច​ខុសគ្នាតែ១ពិន្ទុ​ប៉ុណ្ណេាះ! អញ្ចឹងសូមសរសេរឱ្យបានផ្ចិតផ្ចង់សរសេរឱ្យបានល្អ! "។

តើក្រសួងមានបានឃើញពីមតិរិះគន់លើការចេញវិញ្ញាសានេះ៣ឆ្នាំ​កន្លងមកទេ? ហេតុអ្វីក៏នៅតែចេញវិញ្ញាសាពីសៀវភៅដដែលៗ ដែលសិស្សគ្រប់រូបមាននៅក្នុងដៃអញ្ចឹង? ធ្វើដូចម្តេចទើបសិស្សពូកែមានការរីកចម្រើនបន្ថែមទៀត?

តើឆ្នាំ​ក្រោយ (ឆ្នាំ២០២០) នឹងចេញពីសៀវភៅនេះដដែលទៀតឬ?